ZARARKUNANDALARGA QARSHI YIRTQICH QO’NG’IZ TURLARINI (Insecta:Coleoptera)QO’LLASH

Abstract

Ushbu maqolada shiralar, kanalar, qurtlar, qalqondorlar, fitonomus qurtlari ana shunday xavfli zararkunandalar qatoriga kiradigan, ekinlarga tushadigan xavfli zararkunandalarni yo‘qotishda katta ahamiyatga ega bo‘lgan hasharotlar haqida yozilgan. Jumladan, ushbu maqolada koksinellidlar – qattiq qanotlilar (Soleoptera) turkumining  xonqizi (Sossinellidae) oilasiga mansub hasharotlar,  yirtqich qandalalar, kanaxo‘r trips, stetorus qo‘ng‘izi, yirtqich pashshalar va ularning lichinkalari haqida ma’lumot berilgan. Foydali hasharotlarning  tashqi tuzilishi,  oziqlanish usuli, yashash tarzi,  mevali bog’larda uchrash xolati, zararkunanda hashorotlar soniga nisbati, lichinkalarining yashash tarzi hamda  foydali hususiyatlari  yoritilgan. O’tkazilgan tadqiqotlarda  foydali hasharotlardan zararkunandalarga qarshi  foydalanilganda  e’tibor berilishi zarur bo’lgan omillar haqida ma’lumot berilgan va kerakli tavsiyalar  ko’rsatib o’tilgan. Zararkunanda hasharotlarga qarshi kimyoviy kurashdan ko’ra biologik kurash samarali va zararsiz usul ekanligi hammaga ma’lum bo’lsada,  biologik  kurashning qanday tartibda qo’llanilishi, qaysi mavsumda qanday vaqtda, qanday  usullar bilan olib borilishi haqidagi ma’lumotlar entomologik tadqiqotlarni o’tkazishda  o’rinli ma’lumotlarni talab etadi. Biz ushbu maqolani aynan shunday ma’lumotlar bilan boyitdik. Dunyoda  aholi soni kundan - kunga o’sib borayotgan hozirgi vaqtda  oziq-ovqat  texnologiyasi taraqqiyotida ham  foydali hashorotlarning hususiyatlarini o’rganish dolzarb masalalardan biridir.