Ta'lim innovatsiyasi va integratsiyasi

MILLIY IQTISODIYOT REAL SEKTORINING INNOVASION RIVOJLANISHINI MOLIYALASHTIRISHDA BANK SEKTORINING ISHTIROKINI OSHIRISH

Mamatkarimov Oybek Marufjon o’g’li.

Аннотация

O‘zbekiston Respublikasi iqtisodiyotini innovasion rivojlantirish katta hajmda
investisiya talab qilib, bunda banklarning ishtirokini oshirish uchun ularning fond
bozorida faolliklarini oshirishlari, qimmatli qog‘ozlar yordamida o‘zlariga investisiya
jalb qilishi va real sektor korxonalariga reinvestisiya qilishlari lozim. O‘zbekiston
milliy iqtisodiyoti real sektorini moliyalashtirishda tijorat banklari ishtirokini oshirish
imkoniyatini oshirish uchun ular resurs bazasini, jumladan o‘zlik kapitalini oshirish
kerak. Buning uchun bank aksiyalari investision jozibadorligini oshirish kerak.
Innovatsiyalar iqtisodiyotni modernizatsiyalash va diversifikatsiyalash, uning jadal
sur’atlar bilan rivojlanishini va raqobatbardoshligini ta’minlash, mamlakatning jahon
hamjamiyatidagi o‘rni va nufuzini yanada oshirishning eng muhim omillaridan
hisoblanadi. Shu sababli bugungi kunda O‘zbekiston Respublikasi o‘z iqtisodiyoti
barqarorligini ta’minlash, aholi farovonligini oshirishda innovatsiya imkoniyatlaridan
keng foydalanishga katta e’tibor qaratmoqda. Shu bilan birgalikda, bank tizimini isloh
qilish strategiyasi doirasida tijorat banklarini aholi va biznes vakillari
jamg‘armalarining investisiyalarga aylanishiga, iqtisodiyotda uzoq muddatli
pullarning shakllanishiga xizmat qiladigan moliya institutlariga transformatsiya qilish
bo‘yicha ishlar amalga oshirilmoqda.