QO`SHRABOT TUMANI TARIXI

Abstract

Qo‘shrabot tumani dastlab 1943- yil 13 -fevralda sobiq Mitan (hozirgi Ishtixon tumani hududi), Nurota va Xatirchi tumanlari hududlarining birlashuvi natijasida tashkil topgan. 1957 -yilda tuman tugatilgan, Nurota va Mitan tumanlari tarkibiga qo’shib yuborilgan.  1978 -yilning 3- aprelida Qo‘shrabot tumani Nurota, Kattaqo‘rg‘on, Payariq va Ishtixon tumanlari hududi hisobidan qayta tashkil etilgan.  “Qo‘shrabot” so‘zi “ikki rabotning birlashishi” degan ma’noni anglatadi. Tumanda asosan o‘zbeklar istiqomat qiladi. Qo‘shrabot – Samarqand viloyatidagi qishloq tumani hamda tuman markazi nomi. Qo`shrabot so`zining birinchi komponenti Qo‘sh so‘zi ikki yoki juft ma'nosini anglatadi.  Rabot so‘zi esa dastlab islom dini tarqala boshlagan davrlarda harbiylar uchun mo‘ljallab qurilgan bino, istehkom ma'nosini anglatgan. Keyinchalik karvonsaroy (mehmonxona) ma'nosini ham anglatgan. Rabot termini ko‘plab joy nomlari hosil qilgan. Qo‘shrabot yonma-yon ikkita karvonsaroy qurilgan joy ma'nosini ifodalaydi.[1]

[1] Temirov.G`   “Dasht bag`ridagi javohir” .Zarafshon. 1993-yil  17-iyul