Ta'lim innovatsiyasi va integratsiyasi

JISMONIY TARBIYA VA SPORTNI TIVOJLANTIRISHDA MAKTABNING O’ZIGA XOS O’RNI.

Jumayeva Shohida Shaymardonovna

Abstract

Jismoniy tarbiya, badan tarbiya - sog‘liqni mustahkamlashga, odam organizmini
uyg‘un ravishda rivojlantirishga qaratilgan umumiy tarbiyaning uzviy qismi.
Jamiyatdagi jismoniy madaniyat ko‘rsatkichlari jismoniy tarbiyaning asosiy vositalari:
jismoniy mashg‘ulotlar, organizmni chiniqgirish, mehnat va turmush gigienasi bo‘lib
aqliy, axloqiy, mehnat va estetik tarbiya bilan qo‘shib olib boriladi.
Ibtidoiy davrdan boshlab jismoniy tarbiyaga alohida e'tibor qaratilgan. Dastlab
u jismoniy mashqlar, turli o‘yinlar, mehnat jarayonlari, ovchilik, harbiy harakatlarga
o‘xshatilgan musobaqalar va sinovlar shaklida mavjud bo‘lgan, turli marosimlarni aks
ettirgan. Keyinchalik yoshlarni qilichbozlik, chavandozlik, kamondan otish, yakkama-
yakka kurash mahoratga o‘rgatish jamiyatning asosiy vazifalaridan biriga aylana
borgan. Uyg‘onish davrida jismoniy tarbiyaga e'tibor yanada kuchaydi. Gumanistlar
jismoniy tarbiyani o‘quv dasturiga kiritishga uringanlar. Badan tarbiyaga o‘rta asrlarda
yevropada oilaviy tarbiya va maktabdagi pedagogik jarayonning muhim qismi sifatida
qarala boshlandi.